Bu qrotesk film qəhrəmanlardan biri-Saranın(Gülşad Baxşıyeva) bəxt
üzüyünün itməsi əhvalatı üzərində qurulmuşdur. Əslində isə burada söhbət
bir nəfərin deyil, bütün xalqın bəxtinin itməsindən gedir. Moşu(Valeh
Kərimov) kimilər isə bu itirilmiş bəxti axtarmaqdansa, "xoşbəxtliyə"
qafiyə axtarmaqla məşğul olur, öz-özünü və ətrafındakıları aldadırlar.
İnsanlar, bir-birinizə laqeyd qalmayın, diqqətli olun. Axı, siz
İnsansınız, pul, əşya deyilsiniz, saqqızla aldanmamalısınız. Bu çağırış
filmin əsasını təşkil edir. Film bizim bir-birimizə, ətrafdakılarımıza
münasibətimiz barədədir.
Məzmun: Kino
əsəri inqilabın qələbəsinə sidqi-ürəklə inanan və qələbə naminə
canlarından belə keçməyə hazır olan qəhrəman oğullar-20-ci illərin
komsomolçuları haqqında romantik hekayətdir.
Filmdə 1910-cu ildə Bakıda cərəyan edən hadisələr
göstərilir. İki gəncin-Sərvər(Arif Mirzəquliyev) və
Gülnazın(Tamara Gözəlova)
böyük və ülvi məhəbbətindən, məhəbbətin pula, cəhalətə və feodal
qalıqlarına qalib gəlməsindən bəhs olunur. Əsas qəhrəmanlarla yanaşı
filmdə Rüstəm bəyin bir yığın dost-tanışları: tacirlər, alverçilər,
qoçular, mürtəce, satqın jurnalistlər də öz əksini tapır. Lakin rejissor
mənfi qüvvələri belə insana sevdirməyə nail
olmuşdur.